Oh Food 清真阿拉伯料理 (Closed)

朋友介紹話唔錯同埋阿拉伯菜式特別，所以就約左男友黎試下。我地食左叫左個二人套餐再加錢配其他野，怠覺上抵食d：茄子番茄沙律新鮮既茄子番茄加埋洋蔥配埋醋汁，幾開胃。乳酪茄子茸第一次試食，賣相一般，但茄子茸配埋個麵包食落口既味道又幾特別，最後都係食曬冇得留低。薄荷檸檬汁酸酸地都幾開胃Signature Dish: 烤羊架配阿拉伯飯特登加錢轉左佢個特色菜式烤羊架，但係就有d失望。雖然4件羊架都係啖啖肉，但係同西餐食到既質素差唔多，冇乜特色可言。反而個阿拉伯飯就好特別，粒粒分明，幾好味。白汁蘑菇青椒牛肉絲配阿拉伯飯秘製既白汁蘑菇汁配埋烤牛肉同埋阿拉伯炒飯好夾好好味，食到停唔到口。蘋果批好少食到蘋果批裡面有吉士。唔會太甜同太漏，連男友一向唔食蘋果批都話好味，誠意推介。埋單落樓唔使$500就食到港島區食到阿拉伯美食，兩個字，超值！