Video
Read full review
2018-04-12
1445 views
以前打個邊爐,好似只會係慶祝或者好凍先會做既活動,唔知幾時開始,當邊爐放題喺香港流行起嚟,香港人一年365日都可以做到有好多自稱用上日本牛,高質牛嘅餐廳漸漸出現,好似牛x鍋,牛x,唔會評論大家既質素如何,作為「邊爐達人」,當然非常歡迎呢種「邊爐文化」啦！.最近發現到荃灣有一間比較高質既邊爐放題店,餐廳雖然位於大廈1樓,不過唔難搵,由地鐵站穿過「大動脈天橋」,地面都唔使落就行到去城市中心,先再落返地下,就會搵到大廈入口喇。.一出電梯,就會見到大堂用咗好多木既許願板做裝飾,呢啲其實都係食客寫上去,確實係幾靚仲有少少置身日本嘅感覺～荃灣呢間日式火鍋放題店,除左好似一般120分鐘火鍋放題咁自行選擇一款肉類任食之外,佢最大賣點係有部炸物機比食客們「自己天婦羅自己炸」呢～都因為呢個原因,所以選擇黎呢到。.難得約到一班好耐冇見嘅朋友食飯,我哋一於食好啲,成班對食都有要求,就好豪咁叫左最貴果款「日本國產黑毛和牛盛盒」,佢所包含嘅嘢除咗多款唔同部位既牛,仲有豬,羊,雞～唔喜好家禽既朋友點算？佢地仲有刺身,海鮮拼盤,水餃丸類,同埋多款蔬菜呢!最重要嘅當然係炸物自助環節。其實佢湯底都有幾款,有啲迷惘既我地,
.
最近發現到荃灣有一間比較高質既邊爐放題店,餐廳雖然位於大廈1樓,不過唔難搵,由地鐵站穿過「大動脈天橋」,地面都唔使落就行到去城市中心,先再落返地下,就會搵到大廈入口喇。
.
一出電梯,就會見到大堂用咗好多木既許願板做裝飾,呢啲其實都係食客寫上去,確實係幾靚仲有少少置身日本嘅感覺～
荃灣呢間日式火鍋放題店,除左好似一般120分鐘火鍋放題咁自行選擇一款肉類任食之外,佢最大賣點係有部炸物機比食客們「自己天婦羅自己炸」呢～都因為呢個原因,所以選擇黎呢到。
.
難得約到一班好耐冇見嘅朋友食飯,我哋一於食好啲,成班對食都有要求,就好豪咁叫左最貴果款「日本國產黑毛和牛盛盒」,佢所包含嘅嘢除咗多款唔同部位既牛,仲有豬,羊,雞～唔喜好家禽既朋友點算？佢地仲有刺身,海鮮拼盤,水餃丸類,同埋多款蔬菜呢!最重要嘅當然係炸物自助環節。
其實佢湯底都有幾款,有啲迷惘既我地,喺餐廳職員介紹之下叫左日本昆布湯底,佢解釋話因為佢哋嘅牛真係高質同新鮮,所以唔需要太多味道嘅湯底去掩飾,我哋一於聽服務員講。
.
鼓油醬汁自己出去拎,點完菜等緊既時候大家就可以順便拎埋餐前小食,選擇都幾多
小食,醬油區
13 views
0 likes
0 comments
小食
8 views
0 likes
0 comments
.
大約5分鐘就上菜,未放牛肉前先飲左一啖昆布湯既原汁原味,
昆布湯底
25 views
0 likes
0 comments
服務員呈上牛都會仔細咁同你講返係屬於邊個部位,仲會介紹埋你點樣烚幾耐係最好
.
講返啲牛肉先,呢個餐貴就貴在可以比大家任食「日本國產黑毛和牛」,當然仲有其他手切牛肉,肥牛等等。盛盒一黎到,個感覺好高級,每款牛上面都放咗一張細卡仔顯示俾你聽係屬於邊個部位
牛肉呈鮮紅色,好新鮮！每個部位脂肪比例分佈都唔一樣,各有特色。「黑豚和牛肉眼上蓋」係我最鍾意嘅一款,因為佢脂肪比例分布最平均,做到入口即溶但係又知道唔係成塊肥脂肪,烚嘅時間比較短,都保留到最多既牛味,無論質地,口感,脂肪比例同味道,佢都比較啱我心水。當然其他牛肉色澤同樣鮮紅,新鮮。
豬,和美國牛肉片
7 views
0 likes
0 comments
海鮮拼盤大到有點誇張
海鮮拼盤
15 views
0 likes
0 comments
.
提過呢間餐廳另一個重點係有炸物區
炸物區
6 views
0 likes
0 comments
日本甜蕃薯
4 views
0 likes
0 comments
食客自己調配天婦羅,雖然製作天婦羅嘅食材選擇唔多,但有幾樣就幾特別。我試左日本紫薯仔同蝦,蝦就比較細隻,鮮味其實無乜,可能細隻d方便熟,同手指尾差唔多粗；不過紫薯仔確實難忘,佢既質感比南瓜實淨,所以唔會咁易炸爛,紫薯味好重,甜甜地之餘仲食到少少似糯米糰煙韌補充一下我覺得貼心既係每個人張餐紙都有圖文並茂介紹炸物機玩法,人人都可以試!
蝦天婦羅/甜薯
5 views
0 likes
0 comments
飲食均衡就要有肉有菜！佢既蔬菜款有8-10款,基本既金菇,生菜,南瓜,粟米一應供存,整齊排放係一個細籃上,唔會一次放好多,但fill得好密,確保新鮮,相信所有蔬菜都略略揀過,雖然用料未去到用日本貨,無日本超市買到時蔬個種鮮甜,不過絕對唔係霉既! 都唔會有一種懷疑無洗乾淨既感覺
蔬菜
5 views
0 likes
0 comments
放係時蔬隔離仲有幾款唔同既丸類,嚮鈴,魚皮等2-3款炸物
蔬菜,丸類
4 views
0 likes
0 comments
.
最完美既一餐當然要有甜品!放出黎自助比人食既有4種味既雪米糍同雪條,
自助甜品
24 views
0 likes
0 comments
而侍應都會拎一盤,有3個牌子既雪糕比食客選擇,每人一杯!絕對唔慳,係大牌子產品呀！
名貴雪糕
12 views
0 likes
0 comments
楓糖合桃味第一次見,超驚喜!唔會好甜,仲有d合桃碎口感,係「初戀」既感覺,成個畫出左黎
.
係香港食過既放題店邊爐店唔少,講到質素,「稻八」真係另眼相看！
1️⃣論環境,地方好闊落,抽風做好好,打完唔會一陣味,地下唔會油林林,食客都唔會坐好迫,坐最遠既枱又做到離自助餐枱唔遠
2️⃣論食物質素,主打既牛絕對無將價就貨,新鮮真係睇得出,重點係唔會比d勁多脂肪全片幾乎白色既客人;時蔬小食都不過不失;唯獨炸物區食物質素和款式稍弱
3️⃣論服務,我從沒去過一間放題店員工是以禮待人,笑容可親,但這裡的員工素質不錯,還會留意火鍋並定時加湯。明白做這一行總是累人,但我沒有感覺半點負能量
Post
