Video
Read full review
2022-09-16
133 views
同家中長輩出街食飯真係好難㗎，揀間貴嘅餐廳又會嫌太貴唔實際，太便宜又會驚食物唔合心水，太遠又話交通唔方便。今次難得平日放假約左爸爸食午餐，緊係要搵間唔錯嘅餐廳啦。呢間餐廳評價唔錯，而且近地鐵站，一於試下啦。餐牌選擇多，仲有set lunch揀，好吸引。我地坐低可以用QR落單，非常方便。好彩早少少黎咋，落完單，餐廳已經坐滿左人啦。lunch set 可以揀主菜，小食，仲有飲品，一定夠飽啦。主菜揀左海鮮炒淮山麵，一上枱都好大碟，醬汁有啲似忌廉湯加少少黑松露味，淮山麵質地有啲似天使麵，幼身得黎都幾有咬口。海鮮款式都唔少，有蝦，青口，魷魚等，但如果份量多啲就更好。另一個主菜揀左大醬牛肉粉絲鍋，仲要跟碗白飯，份量太多了吧。大醬湯幾特別，少少辣，少少鹹，同粉絲好夾，完美配合。如果唔食辣，可以轉豬骨湯㗎。小食揀左甜辣炸雞同芝士夾餅。甜辣炸雞好jucy,唔會厚炸粉，個醬汁甜辣比例啱啱好，非常出色。芝士夾餅又薄又脆，仲有少少拉絲效果，唔錯。飲品只需加$3就可以揀涷飲，仲可以揀涷蜂蜜袖子茶同涷紅棗茶，好滿足呀。連爸爸都話抵食，又好食，無介紹錯呀
餐牌選擇多，仲有set lunch揀，好吸引。我地坐低可以用QR落單，非常方便。好彩早少少黎咋，落完單，餐廳已經坐滿左人啦。
lunch set 可以揀主菜，小食，仲有飲品，一定夠飽啦。
主菜揀左海鮮炒淮山麵，一上枱都好大碟，醬汁有啲似忌廉湯加少少黑松露味，淮山麵質地有啲似天使麵，幼身得黎都幾有咬口。海鮮款式都唔少，有蝦，青口，魷魚等，但如果份量多啲就更好。
另一個主菜揀左大醬牛肉粉絲鍋，仲要跟碗白飯，份量太多了吧。大醬湯幾特別，少少辣，少少鹹，同粉絲好夾，完美配合。如果唔食辣，可以轉豬骨湯㗎。
小食揀左甜辣炸雞同芝士夾餅。
甜辣炸雞好jucy,唔會厚炸粉，個醬汁甜辣比例啱啱好，非常出色。
芝士夾餅又薄又脆，仲有少少拉絲效果，唔錯。
飲品只需加$3就可以揀涷飲，仲可以揀涷蜂蜜袖子茶同涷紅棗茶，好滿足呀。
連爸爸都話抵食，又好食，無介紹錯呀
Post
