Video
Read full review
2020-02-13
61 views
情人節嚟喇，我同女朋友就唔係咁鍾意正日慶祝嘅，因為正日都一定成街都係人，唔鍾意同人迫嘅我地，通常都會選擇早啲出去食飯嘅。今次我地就去咗依間餐廳慶祝我地嘅情人節喇依間餐廳一入到去就覺得嗰氣氛好浪漫，好適合情人嚟撐枱腳嚟食嘅嗰環境大概係咁啦，因為我地去到嗰陣都係早嘅，所以都冇咩人嘅。好多大梳化俾大家坐，坐得都幾舒服。間餐廳都幾多嘢食因為女朋友唔太飲酒，所以我地只係叫咗一杯cocktail啫。依杯cocktail叫“Shine”（$108）好好飲呀，佢唔會好重酒味，而係幾重生果味，幾易入口。依個係香煎半熟帶子配黑魚子醬（$208），賣相非常靚，望到都流口水。食落去會覺得佢嘅調味幾好，黑魚子醬同帶子係非常夾嘅。依個用嚟做頭盤非常好。依個係香煎太平洋鱸魚配普羅旺斯菜（$268）。條魚煎得啱啱好，唔會話太熟，塊魚皮少少脆，好好食。伴碟酸酸地，非常開胃。不過今餐我就最鍾意依個卡邦尼意粉（$168）喇。因為佢嘅汁非常creamy,加上佢落咗都幾適量嘅煙肉，煙肉唔係平時嗰啲薄薄地一片嘅煙肉，都幾厚下㗎，好有咬口。最正嘅係佢唔只會落普通嘅Parmesan cheese,佢地重會落一啲焗脆咗嘅parmesa
今次我地就去咗依間餐廳慶祝我地嘅情人節喇
依間餐廳一入到去就覺得嗰氣氛好浪漫，好適合情人嚟撐枱腳嚟食嘅
嗰環境大概係咁啦，因為我地去到嗰陣都係早嘅，所以都冇咩人嘅。好多大梳化俾大家坐，坐得都幾舒服。
間餐廳都幾多嘢食
因為女朋友唔太飲酒，所以我地只係叫咗一杯cocktail啫。依杯cocktail叫“Shine”（$108）好好飲呀，佢唔會好重酒味，而係幾重生果味，幾易入口。
依個係香煎半熟帶子配黑魚子醬（$208），賣相非常靚，望到都流口水。食落去會覺得佢嘅調味幾好，黑魚子醬同帶子係非常夾嘅。依個用嚟做頭盤非常好。
依個係香煎太平洋鱸魚配普羅旺斯菜（$268）。
條魚煎得啱啱好，唔會話太熟，塊魚皮少少脆，好好食。伴碟酸酸地，非常開胃。
不過今餐我就最鍾意依個卡邦尼意粉（$168）喇。因為佢嘅汁非常creamy,加上佢落咗都幾適量嘅煙肉，煙肉唔係平時嗰啲薄薄地一片嘅煙肉，都幾厚下㗎，好有咬口。最正嘅係佢唔只會落普通嘅Parmesan cheese,佢地重會落一啲焗脆咗嘅parmesan cheese落去，令到成個意粉都有啲脆脆地嘅口感。
至於甜品，我地就叫咗依個火焰雪山（$108）喇。今次係我地第一次食火焰雪山，佢燒完嗰"雪山"後，我地就開動喇。入邊有雪糕，爆谷，馬卡龍，同Brownies。重以為入邊其實只係一個蛋糕咁，原來入邊有咁多特別嘢食，好特別呀。
最終就食咗$946,我地覺得幾抵嘅，因為環境，服務都真係幾好，同埋食物嘅質素都高，所以係值得嘅。
推薦大家嚟試下
Post
