忠記咖啡屋 (Closed)

實際係邊日已經唔記得，應該係二月份某日中午。當日午餐客人太多，我和友人要搭枱，對面已坐了兩位男士。我叫咗午餐蒜泥雞飯，過一會侍應放低一個餐，她口中說是蒜泥雞，我開始食，食咗兩三件雞後，另一位侍應又放低一客蒜泥雞，對面兩位男士冇反應，友人就回答，已經到咗食緊啦喎，個侍應望下我碟雞就話係口水雞，係對面位男士叫嘅。原來我食緊口水雞唔係蒜泥雞，我就話是但啦都食緊囉，你同事話係蒜泥雞我咪食囉，點知佢話唔可以，於是將我食緊碗飯放上碟雞度攞走，然後叫我食剛剛放下嘅蒜泥雞，仲同對面男士話等一等，整個碟口水雞畀你。我覺得個侍應好浪費，好好地一碟雞一碗飯倒去垃圾桶。