Video
Read full review
2007-08-09
5 views
我住佢同一條街, 由水街旁的細舖搬東南旁的中舖, 再依家搬埋去對面大舖, 地方大左好多, 仲有間房.今晚掛左一號風球, 擾攘緊掛三號風球之際, 返到屋企又唔想煮麵食, 落街覓食, 水街間飲冰室上次食過麻麻地, 又唔想去味之味咁寡, 又唔想去東南, 鴻興又收得早, 就去左BBQ.由於一個人加上平日, 坐吧台很快就有位, 今次點了西冷牛扒($10), 燒豬頸肉($18), 腸仔兩條($2一條), 燒秋刀魚($18), 牛扒其實在早期間細舖個年代只屬一般之作, 當年係比較靱的, 但依家再食到的, 已經冇左當年唔好食的影子, 反之好入味同好淋, 食落口完全唔駛用牙去「撕」開佢, 幾好; 燒豬頸肉今次第一次叫, 果然冇叫錯, 幾好味, 雖然細份了少少; 腸仔唔好以為好普通, 事實上大家燒過野食都知, 腸仔要燒唔難, 但就好難燒得靚, 不過佢地真係燒得好靚, 唔會燒到黑晒, 剛剛好的; 秋刀魚的魚味好夠, 雖然等耐少少, 但值得.臨走前, 叫左支金銀菊($15), 據知涼茶及粥都係老板娘自家製的, 有次飲過蔘蜜($15)都幾好, 今次試第二樣, 結果都唔錯, 食完熱氣野飲番支冰凍涼茶, 又涼番晒.
今晚掛左一號風球, 擾攘緊掛三號風球之際, 返到屋企又唔想煮麵食, 落街覓食, 水街間飲冰室上次食過麻麻地, 又唔想去味之味咁寡, 又唔想去東南, 鴻興又收得早, 就去左BBQ.
由於一個人加上平日, 坐吧台很快就有位, 今次點了西冷牛扒($10), 燒豬頸肉($18), 腸仔兩條($2一條), 燒秋刀魚($18), 牛扒其實在早期間細舖個年代只屬一般之作, 當年係比較靱的, 但依家再食到的, 已經冇左當年唔好食的影子, 反之好入味同好淋, 食落口完全唔駛用牙去「撕」開佢, 幾好; 燒豬頸肉今次第一次叫, 果然冇叫錯, 幾好味, 雖然細份了少少; 腸仔唔好以為好普通, 事實上大家燒過野食都知, 腸仔要燒唔難, 但就好難燒得靚, 不過佢地真係燒得好靚, 唔會燒到黑晒, 剛剛好的; 秋刀魚的魚味好夠, 雖然等耐少少, 但值得.
臨走前, 叫左支金銀菊($15), 據知涼茶及粥都係老板娘自家製的, 有次飲過蔘蜜($15)都幾好, 今次試第二樣, 結果都唔錯, 食完熱氣野飲番支冰凍涼茶, 又涼番晒.
見到有其他食客叫的燒扇貝等貝殼類食物個賣相都唔差, 但一個人冇可能吃得下, 故此暫時忍一下.
有時都會見到有些醉昏昏的食客到來幫襯, 不過都仍然算少數, 同埋人手都足夠, 故此不用太擔心.
出食物都好公道, 落單時伙計會寫下時間, 先到先得, 非常公平, 由老板娘統一處理.
順帶一提, 此店舊店(142舖)的酒牌係有條件的, 條件係晚上十一點半(如我沒記錯, 有錯請指正)之後不能再出售/飲用酒精類飲品, 而新店係冇酒牌的.
為左佢的菜乾豬骨粥同埋佢的燒貝殼類食物, 我一定會再去的.
最後埋單$65, 抱住個肚返上樓.
Post
