Tanuki Innovation

Open Now

Now Closed

某日行過大角咀，發覺TANUKI舖頭已關門，朋友話唔係呀，佢係搬咗舖去星光行嘅誠品入面，尖沙咀新店地點更方便呢。是晚出開尖沙咀，便同朋友到新店試試，哈哈，尖沙咀喺海旁影相打卡嘅遊客真係好多，氣氛幾熱鬧呀。⭐鮮橙柳慢煮雞胸沙律配蜜糖芥末汁先來份沙律同朋友share，顏色亮麗好吸睛，雞胸軟腍嫩滑，沙律菜爽口，加上鮮橙同西柚甜甜酸酸更開胃。⭐焗盲曹魚配日式奶油粟米汁扁意粉主菜揀咗款扁意粉，上面嘅盲曹魚柳焗得好香口，魚皮香脆魚肉嫩滑，意粉勁彈牙，粟米汁奶香奶香的，好食喎。⭐炸雞皮餃子邪惡之選嘅炸雞皮餃子，雞皮炸得香脆，咬落雞油甘香，大滿足🤤⭐泡沫黑咖啡見點嘅食物都幾heavy，自己點杯黑咖啡中和下，無奶無咁膩吖嘛，咖啡好香，無糖無奶都唔會苦，真係好好飲😍⭐宇治莓莓綠茶朋友本來想試下椰子綠茶，但係賣曬了，咁就揀咗杯士多啤梨綠茶。綠茶係帶點苦澀味嗰種，好濃好正喎，加上士多啤梨果醬甜甜地，兩種味好平衡，都好好飲呀。⭐牛角窩夫配鮮雜果抹茶雪糕坐咗一陣意猶未盡，又加咗一份窩夫，揀個新口味綠茶窩夫先😋牛角窩夫食落勁香牛油味，千層酥嘅口感好正，抹茶雪糕嘅綠茶味都好濃，鍾意綠茶味真係啱曬。分店望到尖沙咀海旁，