秋櫻屋 (Closed)

以前有食過半山既秋櫻屋，完全係小店格局，而且pancake都真係好raw, homemade既感覺，唔知幾時搬左去康怡，經過就去試下。東區既人可能慣左早食飯，未夠7點都已經要等位，等左都超過半粒鐘先有檯，不過都好好，繁忙時間2個人都比張4人檯我，打開個menu，同以前半山果間果本唔同晒，多左飯/意粉，但就無左以前抵食夾大食果個蛋包飯餐。由於媽媽好細食，我地叫左個咸pancake同個沙律就夠，先上個雞肉凱薩沙律，份量都幾大份，無乜特別，但d雞肉唔係白烚，無甘鞋烚烚。跟住上個三文魚牛油果pancake，以前好似有三塊架喎？用左伴碟沙律換左第三塊😐！？再試下塊pancake同以前有乜唔同，都一樣鬆軟，但好似細塊左少少，整體都係以前既味道⋯⋯不過覺得似pokka 既感覺，同埋最失望係無左蛋包飯餐食，都係掛住以前山上小店既感覺。