CHOO CHOO (Closed)

餐廳嘅環境十分特別，係模仿火車車卡嘅設計，牆上面仲有模擬坐緊火車時嘅風景添，仲識得郁架。Mango banana，呢一杯特飲個杯嘅形狀 好得意，好似一個燈膽咁樣，芒果味同香蕉味都好香濃，係一半一半嘅 完美 比例，呢間餐廳連杯墊都一絲不苟，用咗地圖嘅pattern，勾起我嘅童年回憶。All day breakfast， 個All day材料都幾豐富，有墨西哥辣椒，芝士腸，煙肉，炒蛋，Portabello，香草，蕃茄同埋多士，我哋仲將個炒蛋轉咗做Pesto炒蛋， Pesto個青醬味同炒蛋好夾，芝士腸食得出應該係我至愛嘅Johnsonville，仲有炒香咗嘅南瓜粒，味道相當清甜，以All day嚟講比較少有。蒜香蝦義大利麵配風乾蕃茄龍蝦醬，呢個意粉有好濃烈嘅龍蝦香味，意粉相當掛汁，蒜香味濃，蝦肉爽口彈牙，加上龍蝦汁嘅加持 ，真係有幾分似食緊龍蝦。南美香辣青檸豬腩飯 • 日本溫泉蛋 • 泡菜，呢個飯有少少日韓泰 fusion嘅感覺，流心嘅日本溫泉蛋， 韓國嘅泡菜，富有泰式風味嘅香辣青檸豬腩，撈埋一齊一啲違和感都無，仲 非常好味添。