重慶劉一手火鍋店 (旺角商業大廈) (Closed)

今晚同同事收工後想食宵夜，大家都住唔同地方最後就揀左旺角呢個中間點，有同事提議食呢間麻辣鍋，我都係辣野愛好者當然即刻贊成火鍋店有兩層，座位都好闊落，可能係因為我地比較夜，所以入座時只見有幾檯客。湯底揀左椰子滑雞同麻辣鍋中辣，椰子湯底裡面都有好多雞，同埋十分嫩滑！淡淡椰子味好清甜麻辣湯底夠麻夠辣可惜唔夠香鴨血好大舊😱係我食過小數咬落彈牙既鴨血，不過要放麻辣湯先好味，唔係會有小許腥。不得不提牛丸好好味，咬落好多肉汁亦好彈牙鵝腸好新鮮，淥十幾秒就食得好爽口！豬頸肉，擺盤一流！切得好薄而且油脂分佈平均。霜降牛肉粒，睇相都見倒啲雪花好靚，食落好腍好重牛味，無限encore重慶小麵，打邊爐係必需要食粉麵！呢隻麵既口感好特別，煙煙韌韌，索埋啲麻辣汁夠哂惹味食材好新鮮但可惜麻辣湯底真係麻麻，同埋湯底都比較油而且價錢都偏貴。但係服務好好，店員好勤力加湯同加茶