Video
Read full review
2022-07-08
95 views
呢間喺旺角嘅Cafe主打摩洛哥風，所以會見到好多異國風情嘅裝修，可以去打卡影相📸️不過食字行頭嘅我當然好着重嘢食嘅質素，但今次呢間連食物質素都好好！黑松露忌廉汁意大利飯伴芝士焗大啡菇✨ $118黑松露味唔算超濃，但絕對合格以上！飯嘅軟硬度適中，加埋啲醬調味啱啱好，食落好creamy又唔會膩😋大啡菇超級juicy！一咬菇去爆晒汁而且好香✨除咗面頭大啡菇之外飯入面都有好多菇，食落好有口感！不過就唔算太驚喜嘅味道🤣4/5😋法國鴨肝牛肝菌忌廉汁扁意粉🍝 $148呢個意粉真係超驚喜！一食落口就覺得好香好好食！調味偏濃但唔會過鹹，加埋牛肝菌味真係一啖接一啖😋不過呢個真係膩好多🤣食兩啖就飽同好口渴！鴨肝嚟講係第一次食，燒過之後入口即融帶油香亦都有膻味，接受唔到鴨肝嘅唯有請朋友仔食～4.5/5😋 火焰白酒煮藍青口✨ $128數過有10隻，有啲會大隻啲，有啲就好似$5銀仔咁細🤣食落冇沙仲幾鮮甜。白酒再加蒜味有少少辣，但好香而且好解膩，但小食嚟講都幾貴～Tiramisu $80係用蛋糕整嘅Tiramisu，食落唔算太甜，咖啡味都幾香～配埋啲醬食啱啱好唔會太膩！都係正常嘅味道冇話特別有驚喜～4/5😋Snowb
呢間喺旺角嘅Cafe主打摩洛哥風，所以會見到好多異國風情嘅裝修，可以去打卡影相📸️不過食字行頭嘅我當然好着重嘢食嘅質素，但今次呢間連食物質素都好好！
黑松露忌廉汁意大利飯伴芝士焗大啡菇✨ $118
黑松露味唔算超濃，但絕對合格以上！飯嘅軟硬度適中，加埋啲醬調味啱啱好，食落好creamy又唔會膩😋大啡菇超級juicy！一咬菇去爆晒汁而且好香✨除咗面頭大啡菇之外飯入面都有好多菇，食落好有口感！不過就唔算太驚喜嘅味道🤣
4/5😋
法國鴨肝牛肝菌忌廉汁扁意粉🍝 $148
呢個意粉真係超驚喜！一食落口就覺得好香好好食！調味偏濃但唔會過鹹，加埋牛肝菌味真係一啖接一啖😋不過呢個真係膩好多🤣食兩啖就飽同好口渴！鴨肝嚟講係第一次食，燒過之後入口即融帶油香亦都有膻味，接受唔到鴨肝嘅唯有請朋友仔食～
4.5/5😋
火焰白酒煮藍青口✨ $128
數過有10隻，有啲會大隻啲，有啲就好似$5銀仔咁細🤣食落冇沙仲幾鮮甜。白酒再加蒜味有少少辣，但好香而且好解膩，但小食嚟講都幾貴～
Tiramisu $80
係用蛋糕整嘅Tiramisu，食落唔算太甜，咖啡味都幾香～配埋啲醬食啱啱好唔會太膩！都係正常嘅味道冇話特別有驚喜～
4/5😋
Snowball 🍸 $88
叫咗一杯酒同出面酒吧價錢差唔多，本身snowball酒味都唔會好濃，所以入門嘅都可以試吓呢杯✨女仔會中意～
3.5/5😋
整體嚟講食物質素唔錯！而且份量都好多！中意打卡嘅又可以影下相✨推薦！
Post
