Video
Read full review
2012-09-06
1147 views
呢個星期日約左一班朋友去大嶼山水口摸蜆 , 好開心 ^^出發水口前 , 大家集合o係東涌地鐵站 , 一齊飲早茶 附近似乎無乜酒家 , 朋友介紹黎左東薈城呢間聯邦原來呢度有兩層 ,o係門口見到好似好冷清 , 原來入面咁多人我地五位 , 等左兩三個字左右就有位 , 算係咁o家喇一人 tick d , 好快就點好晒喇 , 食物上枱速度都算 ok =)1. 叉燒腸粉~ 叉燒份量普通 , 腸粉皮亦不過不失 , 濕左少少欠彈性2. 鵪鶉蛋燒賣~ 正常味道 , 唔會蒸到乾晒 , 燒賣係豬肉同蝦 , 肉汁豐富3. 小籠包~ 每個都有一個小錫紙杯盛住 , 唔會痴底穿水 , 保留湯汁 , 唔錯 =)4. 紫菜糯米卷~ 呢個幾特別 , 好似食壽司咁 , 個紫菜淋晒但幾香 , 糯米無過腍仲幾煙韌 5. 龍蝦湯鮮竹卷~ 被騙了 .... 完全食唔出龍蝦湯 @@" 卷入面係西芹紅蘿蔔同豬肉 , 無特別6. 五香金錢肚~ 香滑軟腍 , 仲幾惹味 , 唔錯 ~ 個底收埋一堆蓮藕粒 , 所以係得面O個幾舊係肚 ><"7. 韮菜鮮蝦餃~ 皮好薄好晶瑩 , 餡料份量足 , 蝦同韮菜同樣爽口美味 , 比普通
出發水口前 , 大家集合o係東涌地鐵站 , 一齊飲早茶
附近似乎無乜酒家 , 朋友介紹黎左東薈城呢間聯邦
原來呢度有兩層 ,o係門口見到好似好冷清 , 原來入面咁多人
我地五位 , 等左兩三個字左右就有位 , 算係咁o家喇
一人 tick d , 好快就點好晒喇 , 食物上枱速度都算 ok =)
1. 叉燒腸粉
~ 叉燒份量普通 , 腸粉皮亦不過不失 , 濕左少少欠彈性
2. 鵪鶉蛋燒賣~ 正常味道 , 唔會蒸到乾晒 , 燒賣係豬肉同蝦 , 肉汁豐富
3. 小籠包~ 每個都有一個小錫紙杯盛住 , 唔會痴底穿水 , 保留湯汁 , 唔錯 =)
4. 紫菜糯米卷~ 呢個幾特別 , 好似食壽司咁 , 個紫菜淋晒但幾香 , 糯米無過腍仲幾煙韌
5. 龍蝦湯鮮竹卷~ 被騙了 .... 完全食唔出龍蝦湯 @@" 卷入面係西芹紅蘿蔔同豬肉 , 無特別
6. 五香金錢肚~ 香滑軟腍 , 仲幾惹味 , 唔錯 ~ 個底收埋一堆蓮藕粒 , 所以係得面O個幾舊係肚 ><"
7. 韮菜鮮蝦餃~ 皮好薄好晶瑩 , 餡料份量足 , 蝦同韮菜同樣爽口美味 , 比普通蝦餃多一份清新
8. 鮮蝦餃皇~ 又真係幾隻 , 脹卜卜咁 , 大大粒蝦彈牙爽口 , 點少少豆辨醬就最正 !!
9. 珍珠雞~ 糯米幾香 , 不過 D 汁好杰 , 仲過多生粉 , 呈半透明狀 , 影響口感 , 但味道係唔錯
10. 流沙奶皇包~ 奶皇份量唔夠 , 而且都唔夠流沙 , 只係一個濕少少o既奶黃包 , 有 d 失望 ><"
11. 馬拉糕~ 朋友叫左但無人幫佢食 , 我姑且試左一件 , 又幾好味幾鬆軟喎 , 而且唔覺太甜
12. 杞子桂花卷~ 味道同桂花糕無異 , 甘香又清甜 , 咁樣卷又幾好嚼口喎 , 卷返做一大片食又得 ^^ 好玩呀 !!
## 本來我地仲叫左一個懷舊灌湯餃 , 不過佢黎錯左個唔知咩牛角 , 之後等左好耐都無上返個 arm o既 , 我地又飽晒喇唔想等 , 於是 cancel 佢
唔知咩事攪到 d 傳菜姐姐同落單姐姐咁混亂 , 我地講左好耐佢地先明 @@
最後 check 單又係見到有收錢 =.=" 攪左一輪先出返 arm 出單 .... 攞命 !!
埋單每人 $ 100 , 唔算太貴 , 不過食物質素一般 , 未必再會黎飲茶o家喇
Post
