Petit Deli (Closed)

尖沙咀食肆多，除咗各大商場同人流旺嘅大街外，其實一啲較靜嘅街仔都有好嘢食架。如果係兩個人撐檯腳的話，不論係情侶定好朋友，河內道呢間小小西餐廳係一個唔錯嘅選擇。小小浪漫氣氛嘅餐廳鋪面，感覺幾舒服。幾鍾意呢度啲drinks。非酒精類有各款唔同嘅冰，呢款紅莓滑冰，淨係個樣已經好可愛Cocktail就點咗Dita Fever，有條荔枝雪條係上面架 Appetizer就點咗香煎鵝肝多士，同埋明太子醬炸薯條。鵝肝多士夠香脆，係誠意之選。至於個炸薯條，個明太子醬冇得輸，襯落鮮炸嘅薯條度效果非常好。龍蝦湯，通常夠味足料就好好飲，呢度做到了主菜嚟喇！呢個係帶子墨汁闊麵。呢款pasta味道夠鮮，啱我口味。廚師推介：燒美國黑啤豬鞍扒配蜜糖燒烤汁。豬扒嫩滑之餘又夠晒入味，係整晚嘅highlight。紅色嗰啲係加入紅菜頭嘅薯蓉，夠晒特別。總括來講呢度啲嘢食都好有誠意，食得出係有俾心機去製作。服務亦非常好。