Video
Read full review
2011-09-11
29 views
同得好友食家"乜都放入窿"飯局, 一個地方一間食店絕對唔符合原則, 加上民華嘅份量有限, 所以離開民華後就決定四圍再搵野食! 但兩位食家都諗唔到有咩好地方, 於是行下行下, 行到黎呢間食店前, 仲要冇人排隊, 師傅亦問下好友食家"乜都放入窿"有冇興趣, 而好友食家"乜都放入窿"亦話可以一試, 於是就行埋去柯打!細談之下師傅先知好友食家"乜都放入窿"原來唔知呢間食店經常打蛇餅, 不過師傅從前就見識過呢條蛇餅嘅威力, 心想一定要試, 睇下咩料都好! 返到屋企, 上開飯網再睇下間食店分數同過往嘅評論, 師傅估唔到咁差喎, 點解會咁呢? 師傅真係不得而知, 但覺得唔應該係咁, 就讓師傅評一評啦!行埋去食店, 一個人都冇, 師傅覺得十分感恩,; 於是買左一件大雞排, 打算同好友食家"乜都放入窿"齊齊試, 實行分甘同味! 比完錢都要等一陣, 原因真的即叫即炸, 喺等候期間亦同店員要求剪開雞排, 點知店員話佢地嘅雞排係一塊過, 唔剪的, 而師傅亦見到佢地大大隻字寫住 “本店雞排, 一律不切”! 不過店員亦好有禮話比多個袋, 等師傅自己撕開, 仲話佢地嘅雞排冇雕皮, 所以好易撕開!當收到件雞排後, 師
細談之下師傅先知好友食家"乜都放入窿"原來唔知呢間食店經常打蛇餅, 不過師傅從前就見識過呢條蛇餅嘅威力, 心想一定要試, 睇下咩料都好! 返到屋企, 上開飯網再睇下間食店分數同過往嘅評論, 師傅估唔到咁差喎, 點解會咁呢? 師傅真係不得而知, 但覺得唔應該係咁, 就讓師傅評一評啦!
行埋去食店, 一個人都冇, 師傅覺得十分感恩,; 於是買左一件大雞排, 打算同好友食家"乜都放入窿"齊齊試, 實行分甘同味! 比完錢都要等一陣, 原因真的即叫即炸, 喺等候期間亦同店員要求剪開雞排, 點知店員話佢地嘅雞排係一塊過, 唔剪的, 而師傅亦見到佢地大大隻字寫住 “本店雞排, 一律不切”! 不過店員亦好有禮話比多個袋, 等師傅自己撕開, 仲話佢地嘅雞排冇雕皮, 所以好易撕開!
當收到件雞排後, 師傅發覺真的十分大件, 而且仲好鬼死熱; 於是亦用另一個紙袋套住後一拼撕開後, 師傅同好友食家"乜都放入窿"亦開餐了! 一口咬落去發覺雞排好鬆身, 雖然未算好滑, 但絕對唔鞋; 而面嗰浸炸粉唔厚唔油, 入口脆而不膩, 加上味道酥香, 真的不錯; 咁大塊雞排師傅都係第一次食, 雖然撕開兩邊, 份量一樣好多, 師傅同好友食家"乜都放入窿"都要一段時間先能完成, 份量之大可想而知!
總括黎講雞排水準真的不錯, 因為師傅冇食過台灣嘅炸雞排, 所以不能比較, 但平心而論呢塊雞排絕對配得一個笑臉, 而店員友善有禮, 價錢唔貴, 廿五蚊一大塊, 有咁嘅水準絕對抵食! 師傅最開心莫過於同好友食家"乜都放入窿"齊齊撕開兩邊, 一起品嚐, 加上雞排有水準, 所以笑臉絕對要比, 如果下次唔使排隊都可以安歌架!
Post
