大記攦粉糕點專門店 (Moved) New Location

先從雜誌上看到，又要到太子食飯，不其然想到此試試。同太太倆個，分別叫鯪魚球攦粉加凍檸茶、炸墨魚卷攦粉加凍奶茶、再加兩件蘿蔔糕。呢道o既攦粉比較粗身而且較實淨，有口感之餘，又保持到煙韌。值得一讚！鯪魚球夠味，又唔會太油膩，唔錯o既選擇。但原來係鎮店之寶之一...炸墨魚卷好好味，爽口彈牙，不過唔係幾適合做，送唔到粉，做小食可能好o的！？蘿蔔糕出色，味道濃郁而且餡料豐富，同一般食到o既蘿蔔糕唔同，佢o既蘿蔔絲比較多，真正帶出蘿蔔o既味道，而唔係一味食粉！最最最可惜，唔夠熱...飲品不過不失，合格。份量唔少，$20 蚊算抵食，飲品加$5 凍熱同價喎。