鶴亀 (Closed)

周末黎尖沙咀就一定多人，要想食晚飯唔使點排隊就要諗諗計，第一樣就係要早D 食，第二樣就要試下一D 小店。岩岩個個星期就係係尖沙咀行完，提早六點左右食晚飯，而且行過見到依間拉麵舖幾吸引，所以就入左入黎。店舖不大約廿個位置，但感覺舒適，而食物選擇亦唔係好多，但係都有齊沾麵同埋拉麵。睇相見到佢個黑松露安格斯牛沾麵好似唔錯咁，不過我同朋友都想食拉麵，惟有下次有機會再黎食過。我就點左辛辣豚骨拉麵，中辛，麵條方面可以揀軟硬同埋選擇配料。而且我仲加35蚊可以有一個小食同埋飲品　我就揀左餃子。而朋友就點左櫻花蝦拉麵，清湯。天氣小小凍就想食辣，中辛辣度岩岩好，湯底夠濃，溫泉蛋好味，麵條我選擇了標準，軟硬程度剛好。櫻花蝦拉麵都有好多櫻花蝦，我朋友比左D我試，而湯底雖然係清湯，但個味都夠濃。最後就是餃子，一碟有五只，師傅煎完之後再焗過，所以皮很脆，口感寧舍不同，絕對值得一試。