東京大眾酒場 (Closed)

新年前最後一日返工，收爐前梗係食餐好，唔係對唔住自己。我地本來打算食另一間日本餐廳，點知谷鬼氣，就改食呢間。餐廳環境都幾特別，用燈籠來點綴及用汽水箱及皮來做座椅。Lunch time 黎講都算多選擇。點拉麵就送關東煮或餃子，包汽水。關東煮都幾好味，羅白幾甜，竹輪無乜特別，蒟蒻煙煙韌韌。餃子普普通通，不過我鍾意關東煮比較多。我點了叉燒唐心蛋伊勢海老豚骨拉麵。湯底幾濃郁。唐心糖好味。叉燒都幾厚身。食落去，入面有雲吞仔，好有驚喜。