彩雲軒 (Closed)

亞波真係客氣，送個奧巴馬都戴緊嘅fit記牌運動錶俾我做生日禮物。我不嬲都好頸錫d野，於是委托阿永同我訂購左d保護贴同保護套。上星期我唔喺香港，佢交左俾星爺先，真係唔該晒阿永。約星爺飲茶，佢叫我嚟喱間彩雲軒順便攞貨。好，順便見吓佢個新抱亞嫣。我好少嚟將軍澳，揾好耐至揾倒。去到星爺至話亞嫣唔得閒嚟，我darling即刻好失望，因為冇人同佢講家鄉話。好在星爺個孫有嚟(星爺叫個孫做小烏鴨，我darling成日喺屋企鬧星爺點解咁叫個孫)，我darling好happy咁同小烏鴨玩，爭d唔記得食野添。好，叫茶再叫野食。茶壺印埋茶葉名，咁又好喎，唔會攪錯睇d餐纸，覺得價錢唔平，但d款式似乎幾有創意。餓餓地，於是即時落單。冇幾耐，突然侍應走埋嚟，目無表情高速話xx賣晒，冇問會唔會叫其他嘢代替就火速走左。嘩，駛唔駛咁急呀，講野温柔d好喎。d貼心，烏冬同米粉味道都ok,蚌就靱左d。其間叫冲水，舉手好耐都冇人埋嚟。到埋單時想攞張單，張單明明寫住顧客單據，但侍應話唔俾得唯有影低喇。喱度d出品ok,但價錢唔平，同d服務唔太配合。