法國小屋

Open Now

Now Closed

🤎🤍元朗法國小屋🤍🤎Weekend 我就會同老公踩單車happy 下，經過元朗又肚好餓😔 踩住單車對餐廳既選擇又小左～咁岩俾我發現合益路呢邊可以泊單車😍咁就食得放心啦🤫我地嗌左個2人餐$288, 有3個前菜，1份意粉，1份甜品同野飲😳🥦前菜（沙律．雞翼．千層薯片）🥦有沙律，雞翼分別係醉雞翼同瑞士雞翼，味道正常，都好入味，仲有個係千層薯片，我好傻咁以為係零食薯片咁樣，原來係薯仔片🙈上面有芝士同忌廉，有d 蒜蓉味咁，又幾好食喎👍🍝主菜🍝我地揀左《牛油蒜蓉番茜煙肉意粉》味道都幾濃，一陣咸香，番茜唔似莞茜咁大陣味，無搶fo, 襯托返個忌廉味，煙肉切得大大塊，唔係碎上。🧇招牌咸牛油焦糖窩夫🧇佢改變左我對窩夫既睇法，唔怪得係招牌，首先佢唔係成舊粉食到個胃好飽個種，佢係外皮脆卜卜，用叉一桔佢就脆開，食完個胃無負擔，唔un 胃既，最衰我無加雪糕啦，下次我一定要黎食返個雪糕窩夫，帶埋我仔黎先得🫢🍹水果茶．荔枝果茶🍹果茶入面有d 切粒生果，味道正常，不過配埋意粉又幾夾，中和一下油膩感。總結有得坐戶外，對單車友黎講係好友善，窩夫係我最推介既，有下次。