櫻木 (Under Renovation)

係灣仔放工同同事係附近搵到間不錯既日本餐廳，樓底好高增強左空間感，座位卡位都頗闊落。最適合放工放鬆一下，見到餐廳都有omakase既選擇，比較市面既鮨店划算，但我同朋友就揀左單點item。海膽卷，海膽份量都吾算少，幾creamy鮮甜。食物選擇都幾多，串燒我地點牛舌，挺爽口，調味剛好！另外仲有我地最期待既炸鰻魚豆腐外脆內軟，豆腐非常滑，鰻魚份量適中，質感吾會太淋，蘸埋下面天婦羅汁就加添濕潤感。清酒煮蜆，蜆肉粒粒飽滿，清酒味道有點睛之效，湯頭吾會太咸。最後點左牛肉烏冬更添飽肚感！