Paisano's Pizzeria

Open Now

Now Closed

新年假期，無得出國，朋友就約去玩愉景灣playhouse，次次住酒店都未去到。今次特登入去玩！小朋友放電之餘，爸爸媽媽都謝晒。剛好playhouse 出面就係呢間pizza ! 朋友灣仔食過ok, 我n耐之前中環farewell party訂過一個大嘅，食到牙鉸都軟。今次好啲，有上訴😆Hawaiian pizza圖左邊, 4 cheese pizza圖右邊, 可能今次喺店食，個pizza 係脆邊同熱。味道唔錯，真係好鬼大塊，大過隻手！一家三口share 就至岩啦！雞蝴蝶粉好食！好彩share, 食落都漏漏地。Mama-mia 意粉都好味。啲粉類係會跟一個外形有啲似中式花卷嘅蒜蓉包。都好好味同軟熟。炸物拼盤圖右碟，有蝦、雞寶、魚手指、雞槌同薯條，就炸左啲。啲蝦有啲炸過龍。炸雞係辣既，小朋友食唔到。炸魚手指，都一般，正常。同超市買反黎炸既差唔多。圖左碟，叫多雞槌，魚手指各一份。總括黎講真係唔差😂以上係4個大人，兩個小朋友叫既野，全清。