漁之部屋 (Closed)

上星期屋企人提議食放題，於是就去咗新開喺天晉嘅「漁之部屋」。兩日前電話訂座，星期日當天去到等嘅時間唔算耐，我哋訂咗九點，只係等咗大約十五分鐘就入座。門口地方唔大，九點鐘嗰輪都幾多人等，商場新入伙設備仲未完善，可能職員知門口冷氣不足，主動攞出飲品比等嘅人下飲住先，值得一讚。裏面地方唔算好大，但座位設計亦見細心，因為每張坐椅都係一個儲物箱。因為我哋點嘅食物都幾多，食物嚟到時嘅時候張枱跟本唔夠位再放，員工亦細心提議我哋先暫停食物上枱，等我哋先食完再上。平時去食放題好多時都會走咗單上唔齊食物，又或者炸嘢唔夠熱，但今次食完我覺得值得再去。