大瀛喜日本料理 (Closed)

午市放題而家$198/每位，另收加一，就可以食足3個鐘，之前食過覺得幾抵食，所以同朋友黎再ENCORE😜卡位位置就坐得舒服D😉除左QR CODE手機落單，出面自助區都幾多野食可以拎冷盤、生果區熟食區甜品區飲品區等ORDER嘅野食到之前，先食住自助區嘅味付螺肉、中華沙律、蕃茄仔😃刺身款式多，有三文魚、油甘魚、吞拿魚、鯛魚、帶子、北寄貝、希靈魚、榮螺片、八爪魚、鮑片、虎蝦、甜蝦、大赤蝦，食落鮮甜冇咩雪藏味，特別係帶子同大赤蝦，ENCORE左好幾次🥰壽司就叫左鹽燒三文魚腩壽司、鹽燒左口魚裙邊壽司、蒜蓉大蝦壽司、芒果沙律加洲卷、龍蝦沙律大蝦卷，D壽司飯唔會太大件，而且唔會一夾就散，食落水準唔錯👍🏻芝士龍蝦沙律多士必食，個醬幾香口而多士底幾脆口🤤吉品鮑汁扣花膠：每次食親大瀛喜都一定會叫，味道仲要整到同酒樓水準差唔多，呢個價錢任食大大塊花膠真係超抵😎炸物類有吉列蠔、榴槤波波、芝麻雞翼，外層香脆，雞翼內裡肉嫩，記得要嗌黎食😋燒菠蘿、蝦串、牛舌：菠蘿JUICY、牛舌同蝦串肉質爽口唔會霉👍🏻仲有一系列熟食，黃金蝦、煮蜆、牛油粟米等等，唔夠飽仲有鍋物飯類可以叫最後都係留肚食甜品，食左配上夢幻藍色嘅海鹽口味