Video
Read full review
2021-09-25
1900 views
長期糧尾嘅我, 成日都想搵一間平平地, 坐得舒舒服服, 唔好限時嘅放題/自助餐, 咁岩俾我search到「銀座神樂屋」, 見到任食火鍋＋放題價錢都係由$248起, 我之前係附近番工, 都係度食過晏, 味道幾好份量又多,但都成$100一位, 依家夜晚都係200幾蚊,仲要無限18:00-22:00，咁荀當然要試一試。依度既餐好簡單, 放題既魚生, 壽司, 燒物等等都係任食，汽水任飲；價錢唔同就在於你揀邊種肉去打邊爐，分4款：豬$248羊+豬$278羊+豬+牛$288羊+豬+仲靚D既牛 $388我地3人都係揀左個最平既餐$248，連加一$272.8, 抵！🙂炸物，串燒，蛋糕串燒 ，炸物 - 普遍黎講上到枱都係熱辣辣，正常味，冇乜邊隻話奇奇怪怪；炸物嘅炸粉唔厚，炸蠔我都幾中意食，叫左兩次。其實啲野都係出面叫貨番黎再翻熱/翻炸，唔會差得去邊。蛋糕 - 唔太甜，抹茶個件嘅cream幾好食，拍得住東海堂20幾蚊件嘅水準，喜出望外。😐刺物，壽司，豚肉刺身 - 由我地點刺身到真係上枱，要成40分鐘，痴線，上到枱又唔係present得靚，又唔係話好新鮮（吞拿魚除外），大部份都算正正常常，唔好期望會回到本壽
長期糧尾嘅我, 成日都想搵一間平平地, 坐得舒舒服服, 唔好限時嘅放題/自助餐, 咁岩俾我search到「銀座神樂屋」, 見到任食火鍋＋放題價錢都係由$248起, 我之前係附近番工, 都係度食過晏, 味道幾好份量又多,但都成$100一位, 依家夜晚都係200幾蚊,仲要無限18:00-22:00，咁荀當然要試一試。
依度既餐好簡單, 放題既魚生, 壽司, 燒物等等都係任食，汽水任飲；價錢唔同就在於你揀邊種肉去打邊爐，分4款：
豬$248
羊+豬$278
羊+豬+牛$288
羊+豬+仲靚D既牛 $388
我地3人都係揀左個最平既餐$248，連加一$272.8, 抵！
🙂
炸物，串燒，蛋糕
串燒 ，炸物 - 普遍黎講上到枱都係熱辣辣，正常味，冇乜邊隻話奇奇怪怪；炸物嘅炸粉唔厚，炸蠔我都幾中意食，叫左兩次。其實啲野都係出面叫貨番黎再翻熱/翻炸，唔會差得去邊。
蛋糕 - 唔太甜，抹茶個件嘅cream幾好食，拍得住東海堂20幾蚊件嘅水準，喜出望外。
😐
刺物，壽司，豚肉
刺身 - 由我地點刺身到真係上枱，要成40分鐘，痴線，上到枱又唔係present得靚，又唔係話好新鮮（吞拿魚除外），大部份都算正正常常，唔好期望會回到本
壽司 - 灸燒嘅都唔錯，係舊飯淋左啲，是旦啦，放題水平黎講都算係咁
豚肉 - 好普通嘅豬肉，少少肉味，其實食落我都唔知食左咩
☹️👹：
吞拿魚刺身
好難食，有渣冇咩味，食左都唔知食乜。
間餐廳係灣仔華美奧海酒店1樓，環境都真係幾乾淨同埋闊落，坐得幾舒服。
連加一$272.8, 抵！記住book位，星期五唔係咁易book到。
Mcmug綜合評分：4/10🙁，價錢平，任坐，仲要坐得舒服+2, 6/10🙂
「好食柒級🐽」：
☹️👹極度難食，中伏 very very bad bad
☹️難食 very bad
🙁幾難食 bad
😐普通no good no bad
🙂幾好食good
🤤好食 very good
🤤😇好鬼好食，必試 very very good good
Post
