金裝燉奶佬餐廳 (Closed)

最近間唔中都會黎開呢頭上堂，食lunch既時候又去覓食。之前係馬鞍山見過呢間野但無入去食，所以今次就入去幫襯一下。雖然係lunch hour但人唔算好多，所以我好快就有位坐，而且仲比我一個人坐係四人枱到，真舒服。上完堂太餓唔想用太多時間諗食咩，所以就隨便叫左個雪菜肉絲湯米粉常餐。真係不得不讚，呢到效率好高，d人叫完餐好快就到，而食完又好快就收野！最好食既係個蛋，好滑好香，將蛋同火腿放去個包到自制三文治都好好食。而個雪菜肉絲湯米粉就不過不失，不過雪菜唔多，多d會更好食。