十二味 (謝斐道)

Open Now

Now Closed

聽講呢間餐廳嘅老細係90後嘅港漂，佢地嫌香港嘅外省菜唔夠正宗，所以就開咗呢間12味川菜館，更喺短短嘅幾年間，開咗好多間分店，所以我哋黎試一下。餐廳裝修好特別，走中國風，由於係食川菜嘅關係，所以會見到四川熊貓作為裝飾。餐廳以食辣為主，但亦同時照顧一啲好似我朋友一啲辣都唔食得嘅人，佢嘅主菜酸辣魚同埋香鍋都可以揀唔辣。清炒萵筍係香港比較少有嘅蔬菜，唔係好多地方都有得食，我都係第一次食。萵筍絲好爽好甜，喺食啲重口味嘅嘢之前食返啲青菜，感覺好清新呢度其中一樣嘅招牌菜係香鍋，香鍋就係自己選擇材料，跟住廚師就會將材料用特製嘅調味炒埋一鍋，感覺就似韓國嘅部隊鍋咁樣。香鍋可以揀辣同唔辣，今次我哋就揀咗唔辣。香鍋個味道好好味，醬汁同每一個材料都好夾，我哋揀咗一個肉四個餸菜，比較健康。另一個招牌菜係酸菜魚，我哋都係揀咗唔辣。酸菜魚份量好多，而且桂魚好滑，湯頭酸中帶甜，個味道都特別，應該用左好多川菜香料，雖然我未食過正宗嘅，但係喺香港都食過咁好味嘅酸菜魚。最後食埋個紅糖糍粑，脆脆嘅外皮包住軟綿綿嘅年糕，再拈上花生同紅糖，簡單就是美。