KATANA by SAKEH (Closed)

放假去大館行下，經過呢間居酒屋，見到餐廳門面覺得幾型，入面就以日本武士作主題，燈光偏暗，幾有氣氛，型格中滲透出一點點日式風情～君之井 山廃 純米吟釀300𝓂𝓁 先揀一個自己喜歡的清酒杯🍶來自日本新瀉妙高地的一款清酒，味道比較濃郁、純淨的山廃清酒，感覺清爽易入口，幾好～特盛香煎鵝肝野菌釜飯熱辣辣嘅鵝肝野菌釜飯，一拎上枱已經聞到好香，真係未食已經流口水！鵝肝煎至表面金黃，內裏軟嫩，入口即溶配上野菌釜飯，真係十分滋味！食到最後仲有脆卜卜飯焦，平時唔鐘意食飯嘅我都忍唔住🥹濃味鴨肉鍋來自日本關西地區嘅一款菜式，幾特別呢！用多種食材熬煮而成的湯底，加入鴨肉、大蔥、芹菜、冬菇及豆腐，味道清香，湯頭濃郁但清爽，鴨肉香濃有咬口，同湯底好夾，值得一試！蕃薯天婦羅炸粉夠薄，蕃薯香甜，入口唔會覺得油膩，配上天婦羅汁剛剛好～另外，我地叫咗幾款串燒，全部都係即叫即燒，自家制月見免治雞肉棒好juicy，味道唔錯入口即溶、脂香味濃芥末燒牛小排超香脆燒雞皮，冇肥膏👍🏻咁啱撞正happy hour, 3款串燒+1杯飲品，只係$138，非常抵呀！整體味道幾好，環境及菜式都頗有特色，下次可以再嚟