Video
Read full review
2017-07-04
168 views
有人話想飲茶，個人覺得傳統茶樓最大既賣點只係位置舒服，食物質素方面就⋯要睇下間酒樓既級數了，反而點心專門店就著重食物品質，但座位就好像茶餐廳咁，難免有點逼，如果大班人就未必適合，不過我地2個人啫，所以決定去點心專門店。決定左餐廳類型後，就openrice下，見到呢間野食評好好，點心又有特色，最重要既係蝦餃燒賣可以揀2粒，唔洗一叫就4粒咁多，留返個肚試多幾款點心👏👏，由於用膳當日係星期六午飯時間，都驚要等位，話晒食評咁勁，所以叫左男友先到去攞位先，估唔到唔洗點等位，可能位置唔算係旺區吧，不過到我去到時，就見到門口有2個人等緊。一入到去即刻揀野食，其實大概都知想食乜，話晒刨左少少食評，有點心水了，例牌既：✅蝦餃✅燒賣✅蝦腸✅藥膳雞腳特色既：✅不是炸兩（唔係包油炸鬼，不過都有一層好似油炸鬼咁脆既野包係入面，個人覺得麻麻，因為入面有我唔鍾意食既芹菜🙈）✅蘿蔔薄餐（推介👍🏼👍🏼👍🏼，上菜時唔會好似茶樓咁鋪係大碟度，反而係切開一塊塊，疊住上，而且加左白蘿蔔做餡，好味）✅海皇芝士千絲卷（推介👍🏼👍🏼👍🏼，外面果層好似炸麵，香脆可口，雖然油膩，但一向鍾情炸物既我，食完再食）✅鮮蝦腐皮卷（推介👍🏼👍🏼👍
決定左餐廳類型後，就openrice下，見到呢間野食評好好，點心又有特色，最重要既係蝦餃燒賣可以揀2粒，唔洗一叫就4粒咁多，留返個肚試多幾款點心👏👏，由於用膳當日係星期六午飯時間，都驚要等位，話晒食評咁勁，所以叫左男友先到去攞位先，估唔到唔洗點等位，可能位置唔算係旺區吧，不過到我去到時，就見到門口有2個人等緊。
一入到去即刻揀野食，其實大概都知想食乜，話晒刨左少少食評，有點心水了，例牌既：
✅蝦餃
✅燒賣
✅蝦腸
✅藥膳雞腳
特色既：
✅不是炸兩（唔係包油炸鬼，不過都有一層好似油炸鬼咁脆既野包係入面，個人覺得麻麻，因為入面有我唔鍾意食既芹菜🙈）
✅蘿蔔薄餐（推介👍🏼👍🏼👍🏼，上菜時唔會好似茶樓咁鋪係大碟度，反而係切開一塊塊，疊住上，而且加左白蘿蔔做餡，好味）
✅海皇芝士千絲卷（推介👍🏼👍🏼👍🏼，外面果層好似炸麵，香脆可口，雖然油膩，但一向鍾情炸物既我，食完再食）
✅鮮蝦腐皮卷（推介👍🏼👍🏼👍🏼，其實同普通腐皮卷差不多，但就加埋芽菜，口感豐富左）
✅魚肚灌湯餃（推介👍🏼👍🏼👍🏼，d餃正常，有2舊魚肚，入味得來入口很有粘性，湯底又鮮甜，d湯俾我飲晒咁濟🙈）
食完呢餐，我可以話呢間點心會係我心目中排名數一數二既點心舖。
白蘿蔔薄餐
28 views
0 likes
0 comments
不是炸兩（右圖）
37 views
0 likes
0 comments
鮮蝦腐皮卷
20 views
0 likes
0 comments
藥膳雞腳
15 views
0 likes
0 comments
灌湯餃
13 views
0 likes
0 comments
海皇芝士千絲卷
7 views
0 likes
0 comments
Post
