草民 (Closed)

今日朋友喺尖沙咀搵到間cafe,見到網上d相都幾靚，於是上去試吓。入到去有方枱同有一個打卡必坐嘅corner位，個corner位放置咗花花形嘅咕，可以入去除鞋舒舒服服咁坐吓嘆吓幾飲，幾舒服。因為係晚餐時間上去，所以叫咗d小食同主食，墨西哥粟米脆片，唔似出面果d就咁喺墨西哥片就咁放d醬料上去，佢地嘅墨西哥片係放咗芝士再入焗爐焗一焗，d芝士熔晒喺d脆片上面，加埋d牛油果醬，忌廉醬同番茄粒一齊食，超正。黑松露牛肝菌野菌意大利飯，勁香黑松露香味，仲有大量野菌，個飯好creamy,d牛肝菌醬汁滲晒入每粒米果度，好好食。鮮蝦汁蟹肉露筍扁意粉，d扁意粉完全唔會煮到過淋，好有咬口同煙韌，上面仲有勁多蟹肉，個汁好滑掛晒喺每條意粉果度，勁好味。白桃荔枝乳酸梳打＆菠蘿柚子梳打，2杯個賣相都好靚個果味都好特出，咁熱嘅天氣最啱飲返杯有汽嘅梳打。