Video
Read full review
2022-12-19
157 views
深水埗近幾年大變身，尤其是係大南街同基隆街一帶，進駐了不少文青 Café，所以都吸引左唔少年青人過嚟影相打卡。今日約左人喺附近交收，見有空檔，就專登過嚟呢間以布藝為主題嘅「BOLD Coffee」咖啡店見識下。餐廳裝潢別緻，店內放置了一幅以布條編織而成嘅藝術屏風，再配上牆身上嘅一系列布藝裝飾和設計成布辦模樣嘅 Menu，色彩繽紛，令人賞心悅目。先嚟一客 All Day Breakfast，呢度嘅全日早餐有 2 款可供選擇，有肉有素，揀左呢款英式全日早餐 ($148)，睇下用料幾豐富，有芝士啡菇、煙三文魚、炒蛋、豬肉腸、煙肉、車厘茄、焗豆、酸種多士同沙律菜。炒蛋呈金黃色，口感濕潤滑溜，蛋味很濃郁。豬肉腸好彈口，煙肉鹹香惹味，而大啡菇亦肉厚多汁，加埋面頭輕輕燒過嘅芝士，入口「芝」味滿溢。另外呢客煙三文魚蛋沙律酸種多士 ($98) 用料亦唔手軟，煙三文魚份量十足，入口味道唔會過鹹，柔嫩又帶陣陣煙燻香。酸種多士外脆內軟，包芯略帶酸香，同油潤嘅三文魚好夾。昭和布丁 ($48) 布丁用日本蛋和牛奶製成，入口蛋味好重，質感稠厚，但食落又唔會硬繃繃，焦糖汁甜度啱啱好，無論係配茶或咖啡吃，都一樣咁可
今日約左人喺附近交收，見有空檔，就專登過嚟呢間以布藝為主題嘅「BOLD Coffee」咖啡店見識下。
餐廳裝潢別緻，店內放置了一幅以布條編織而成嘅藝術屏風，再配上牆身上嘅一系列布藝裝飾和設計成布辦模樣嘅 Menu，色彩繽紛，令人賞心悅目。
先嚟一客 All Day Breakfast，呢度嘅全日早餐有 2 款可供選擇，有肉有素，揀左呢款英式全日早餐 ($148)，睇下用料幾豐富，有芝士啡菇、煙三文魚、炒蛋、豬肉腸、煙肉、車厘茄、焗豆、酸種多士同沙律菜。
炒蛋呈金黃色，口感濕潤滑溜，蛋味很濃郁。豬肉腸好彈口，煙肉鹹香惹味，而大啡菇亦肉厚多汁，加埋面頭輕輕燒過嘅芝士，入口「芝」味滿溢。
另外呢客煙三文魚蛋沙律酸種多士 ($98) 用料亦唔手軟，煙三文魚份量十足，入口味道唔會過鹹，柔嫩又帶陣陣煙燻香。酸種多士外脆內軟，包芯略帶酸香，同油潤嘅三文魚好夾。
昭和布丁 ($48) 布丁用日本蛋和牛奶製成，入口蛋味好重，質感稠厚，但食落又唔會硬繃繃，焦糖汁甜度啱啱好，無論係配茶或咖啡吃，都一樣咁可口。
飲品點左杯 Earl Grey Latte ($50) 奶泡綿密幼滑，面頭有個心形拉花，入口溫度亦啱啱好，散發出陣陣伯爵茶嘅清幽，味道唔錯。
Post
