Comfy by Chef's Stage (東廣場)

Open Now

Now Closed

放工後約朋友嚟到觀塘東廣場嘅呢間西餐廳食晚飯，之前去過其他嘅Chef's Stage燈光都比較暗，而呢間Comfy就好光猛，座位都夠晒寬敞，簡約的嚟都相當有文青嘅感覺。今次就嗌咗兩個主菜兩杯嘢飲同一個小食，個人最推薦就係明太子海鮮意式薄餅。一上到嚟淨係睇上面芝士份量已經夠晒有誠意，薄餅嘅餅底鬆軟，入面仲收埋左好多海鮮，加埋明太子嘅鹹鮮味非常夾！另外一道主菜係黑松露雜菌意大利飯。Risotto嘅軟硬程度啱啱好，仲保留到米粒嘅口感，個醬都同樣出色，好重雜菌同埋黑松露嘅香味，但又唔會太鹹太油膩。總體上嘅風味同口感都非常唔錯，鍾意黑松露嘅朋友可以一試。再加咗個炸甜薯條作為小食。薯條外面炸得夠脆，入面就好香軟，夠晒香口得嚟好鍾意甜薯自帶嘅甜味。嘢飲就分別要咗壺earl grey同埋蜂蜜水果烏龍茶。原來個烏龍茶底係來自台灣嘅阿里山金萱茶，配埋西柚、橙同青蘋果嘅果香同埋蜂蜜嘅香甜都幾清新，有驚喜！