Felice Cafe & Pasta (Closed)

銅鑼灣呢間西餐廳地理位置十分方便， 地鐵站行過去只係需要十分鐘路程， 而且附近仲有好多巴士站 ，交通十分方便。餐廳係黃店，如果有相同理念嘅人，可以去支持下。 入到去餐廳唔算大，不過枱與枱之間都有少少距離，唔算好逼夾， 望下menu， 決定試佢嘅 牛油果卡邦尼意粉， 卡邦尼意粉周圍都有得食, 不過加牛油果都係第一次, 味道其實唔錯, 有好多牛油果粒用了都算足。 作為一個牛油果愛好者絕對 值得推介， 而且因為加咗牛油果，感覺令到卡邦尼意粉更加creamy。喜歡牛油果嘅我當然飲品選擇都唔少得揀牛油果啦，我決定叫咗一個牛油果乳酸沙冰， 牛油果味重有淡淡乳酸味， 沙冰主打健康，所以味道比較清淡， 唔喜歡太甜嘅朋友絕對可以選擇。總體嚟講性價比都ok可以再試。