牛涮鍋 (Closed)

難得放假, 行完街之後就一行三人去打邊邊, 由於時間尚早(6:15PM), 所以唔使等位, 不過都已經90%滿, 今次揀咗昆布併豬骨湯底, 肉就揀美國上級進口牛肉放題($168/位, 有牛豬雞,氣水任飲, 重可以mix fruit punch), D牛肉一D都唔行貨, 樣靚不達止, 又唔會韌, 豚肉亦同樣出色, 薄切豚肉淥兩淥就食得, 而且入口重食到豚肉嘅甜味!! 其他配料亦有好多選擇, 日式丸, 豆腐, 菜, 菇, 豆卜, 烏冬, 年糕..........侍應態度十分好, 當肉食完嚟收碟嘅時候都會主動問需要再order, 一點都唔會吝嗇, 值得一讚!!呢間位置好好, 會有海景位, 不過坐唔坐到就要睇運氣喇~~~~