Moon Thai (Closed)

今年新年去左第2度試下個撈起，黎左上環呢個唔係太顯眼既泰菜中間有個師傅自己調既醬撈起有唔同既雜菜絲，底層係椰菜，上面有海蜇、蟹柳、素翅、最吸引既三文魚、紅綠黃三色椒絲、青瓜絲、蘿蔔，本身每樣材料都係原汁原味咁上，就咁食味道會較清淡，之後連埋醬一齊撈，撈下撈下咁撈起，就食得！海蜇本身帶點鹹，口感爽嫩脆口；三文魚切條，油脂分佈平均，魚香滿溢鮮甜，素翅食落有真翅既感覺，本身無味既得口感，所以連醬先食到麻香味，蔬菜條新鮮香甜。