星怡 (Closed)

餐廳：星怡地點：尖沙咀iSQUARE菜式：新加坡菜餐牌：小食，沙律，海鮮，肉類，菜類，素菜，肉骨茶，喇沙，湯麵，湯類，飯，麵，油酥餅，甜品，飲品黑松露香煎鮑魚 $140 另加一好快就有得食！黑松露香煎鮑魚熱辣辣上枱，一客4隻切粒鮑魚連殼上，好香黑松露味！仲加左牛油同白酒，味道一級棒。鮑魚粒口感彈牙，有咬口，伴有沙律菜可以撈黑松露汁食。新加坡麥片蝦 $180 另加一新加坡麥片蝦有虎蝦4隻，炸得皮脆香口，加上滿滿麥片喺面，蝦頭仲有膏。麥片非常香口，伴有少少咖哩葉，指天椒，同沙律，同食可解膩。炸榴槤湯圓 $38 另加一炸榴槤湯圓一客兩粒，炸得外脆內軟，榴槤醬適中，唔會太甜，多啲就更好！伴有沙律菜同鮮花。餐廳裝修唔錯，景觀開揚。上菜快速，今餐食物質素真唔錯。