成記海鮮酒家

Open Now

Now Closed

流浮山海鮮一聚，好多人食海鮮會諗起西貢，其實流浮山都係一個唔錯嘅選擇，當然你係想食海鮮唔係變海鮮就要有熟人帶路。今次友人安排豐富海鮮晚餐，一坐低就有一個海鮮湯，跟上個酥炸茄子再加埋酥炸蠔黎送紅酒，兩個都外脆內軟、隻隻蠔都超肥美，朋友怕食蠔都食咗3件。仲有wasabi 蝦，呢個就真係得意，可以試吓既，蒜蓉粉絲蒸大蜆，個人鍾意蒜蓉粉絲所以一定覺得好食。而豉椒蟶子米粉底好味，但精粹在蟶子下面啲芽菜吸哂啲汁，食唔停口。仲有老虎班炒球同炆魚，炒班啖啖肉，但要一提佢個炆魚，識食友人教路，炆魚好難整，呢個未係最好但已經唔錯，因為要將魚走油炸到夠乾身，先至可以炆，啲魚件上枱後都唔會出水，呢度做得到，同埋佢炆魚個汁好惹味，大滿足既一餐。順帶一提呢間係流浮山食店中係清雅環境舒服，友人聚會可以一試。