Video
Read full review
2022-12-31
153 views
放假到左長沙灣，順便約埋個住長沙灣嘅朋友行下街，咁就等佢介紹有咩好野食啦。到左喜薈商場入面一間yuyu sushi嘅日本菜，呢個商場新開無耐，入面大部份都係食店😋朋友話呢間日本餐廳地方大，啲位濶落好坐，加上平日下午唔多客，坐到落場都唔怕阻人做生意。午市唔使加一，叫四客壽司有八折，仲有好多其他優惠添。🥗沙律&🥣味噌湯落完單，店員好快就送上沙律同味噌湯，午市套餐包埋嘅。沙律菜新鮮爽口，味噌湯鹹香鮮味，兩樣都好味。🍣壽司五件配🍤天婦羅烏冬自己點左呢樣，天氣咁凍樣食啲熱野，但黎食日本野又想食下壽司，呢個餐啱晒啦。壽司有兩種配撘，揀左帆立貝、油甘魚、三文魚、白魚、魷魚，魚生新鮮鮮味，size啱啱好一口一件，食得出係手握㗎，同機製真係好大分別。天婦羅烏冬即炸，熱辣辣唔油膩，炸漿啱啱好香脆可口。烏冬係扁身的，軟滑彈牙，醬油湯底清徹，飲左大半碗都唔覺鹹，好啱口味喎😋🥚蒲燒鰻魚玉子丼朋友叫了鰻魚飯，切成三段上碗，鰻魚厚身肥美，咬落滿滿油脂好甘香。玉子唔係個啲水流流嘅滑蛋，煎成蛋卷形狀，但入面仲好嫩滑，好有蛋香添，正🤤🧀日本芝士年糕有優惠價加配小食，叫左份芝士年糕，炸得外脆內軟，煙煙韌韌加上爆漿芝士，邪惡
到左喜薈商場入面一間yuyu sushi嘅日本菜，呢個商場新開無耐，入面大部份都係食店😋
朋友話呢間日本餐廳地方大，啲位濶落好坐，加上平日下午唔多客，坐到落場都唔怕阻人做生意。午市唔使加一，叫四客壽司有八折，仲有好多其他優惠添。
🥗沙律&🥣味噌湯
落完單，店員好快就送上沙律同味噌湯，午市套餐包埋嘅。沙律菜新鮮爽口，味噌湯鹹香鮮味，兩樣都好味。
🍣壽司五件配🍤天婦羅烏冬
自己點左呢樣，天氣咁凍樣食啲熱野，但黎食日本野又想食下壽司，呢個餐啱晒啦。壽司有兩種配撘，揀左帆立貝、油甘魚、三文魚、白魚、魷魚，魚生新鮮鮮味，size啱啱好一口一件，食得出係手握㗎，同機製真係好大分別。
天婦羅烏冬即炸，熱辣辣唔油膩，炸漿啱啱好香脆可口。烏冬係扁身的，軟滑彈牙，醬油湯底清徹，飲左大半碗都唔覺鹹，好啱口味喎😋
🥚蒲燒鰻魚玉子丼
朋友叫了鰻魚飯，切成三段上碗，鰻魚厚身肥美，咬落滿滿油脂好甘香。玉子唔係個啲水流流嘅滑蛋，煎成蛋卷形狀，但入面仲好嫩滑，好有蛋香添，正🤤
🧀日本芝士年糕
有優惠價加配小食，叫左份芝士年糕，炸得外脆內軟，煙煙韌韌加上爆漿芝士，邪惡又好食‼️
食物高質環境濶落，的確係同朋友食野傾偈好地方呢，無介紹錯。
Post
