Video
Read full review
2019-05-17
88 views
琴日行開旺角，唔知食咩好既時候抬頭一望，見到係中移動鋪位樓上有間café，平時都冇為意到，就入去試一試佢!入到感覺同樓下既鬧市完全兩個世界，有種好悠然自得既感覺~見好多情侶一pair pair嘆咖啡傾計咁~覺得呢度真係好relax!坐低睇下menu，見burger餐會跟杯氮氣咖啡，見幾得意就叫左個黎試，另外仲叫左一個意粉、一份小食同唔少得既甜品~☕氮氣咖啡先黎個氮氣咖啡，呢個真係第一次聽第一次試~本身唔係好飲奶所以叫親咖啡都係要齋啡，齋啡係非常香濃而亦帶有苦味既缺點~但呢個氮氣咖啡令我好驚喜既係有好香濃既咖啡味!但完全冇平時飲既齋啡咁苦!真係岩哂我口味!未試過既話真係可以一試!🍔經典和牛漢堡配焗薯點左呢個和牛漢堡~估唔到個漢堡都幾大份!入面有和牛漢堡扒之餘，仲有煎蛋、芝士、生菜、煙肉同蕃茄!材料好豐富!咬落去煎蛋既蛋汁同芝士夾埋漢堡扒融合埋一齊，令成個包感覺好有層次，口感一流，漢堡扒保留到肉汁但又唔會滴到周圍都係，唔錯! 仲有d沙律菜同焗薯粒伴碟，夠哂營養!🍝羽衣甘藍扁意粉羽衣甘藍係superfood好多人都知，之前試過自己煮羽衣甘藍，發覺有陣草青味同有d苦味，但呢個羽衣甘藍扁意粉完全
入到感覺同樓下既鬧市完全兩個世界，有種好悠然自得既感覺~見好多情侶一pair pair嘆咖啡傾計咁~覺得呢度真係好relax!
坐低睇下menu，見burger餐會跟杯氮氣咖啡，見幾得意就叫左個黎試，另外仲叫左一個意粉、一份小食同唔少得既甜品~
☕氮氣咖啡
先黎個氮氣咖啡，呢個真係第一次聽第一次試~本身唔係好飲奶所以叫親咖啡都係要齋啡，齋啡係非常香濃而亦帶有苦味既缺點~但呢個氮氣咖啡令我好驚喜既係有好香濃既咖啡味!但完全冇平時飲既齋啡咁苦!真係岩哂我口味!未試過既話真係可以一試!
氮氣咖啡
0 views
0 likes
0 comments
🍔經典和牛漢堡配焗薯
點左呢個和牛漢堡~估唔到個漢堡都幾大份!入面有和牛漢堡扒之餘，仲有煎蛋、芝士、生菜、煙肉同蕃茄!材料好豐富!咬落去煎蛋既蛋汁同芝士夾埋漢堡扒融合埋一齊，令成個包感覺好有層次，口感一流，漢堡扒保留到肉汁但又唔會滴到周圍都係，唔錯! 仲有d沙律菜同焗薯粒伴碟，夠哂營養!
經典和牛漢堡配焗薯
14 views
0 likes
0 comments
🍝羽衣甘藍扁意粉
羽衣甘藍係superfood好多人都知，之前試過自己煮羽衣甘藍，發覺有陣草青味同有d苦味，但呢個羽衣甘藍扁意粉完全冇果種古怪味，扁意粉用左橄欖油黎炒，好香而且有濕潤感，唔會乾爭爭。配合埋上面既芝士碎同松子仁，即使成個意粉冇肉類但一d都唔覺得寡，素食者必點~
松子羽衣甘藍扁意粉
0 views
0 likes
0 comments
🍤炸物拼盤
炸物拼盤有雞翼、炸蝦、薯條同埋薯絲蝦~配埋蛋黃醬同食好邪惡但好美味!上檯熱辣辣脆卜卜!當中最喜歡炸雞翼~辣味十足好香口!單骨雞翼食得方便!
炸物拼盤
2 views
0 likes
0 comments
🍦布朗尼配雪糕
最後由呢個brownie配雪糕為呢餐畫上完美句號~brownie即焗非常熱~上面配上冰凍既雲呢拿雪糕，一冷一熱既口感從來冇得輸!側邊伴有士多啤梨、奇異果呢d帶酸既生果平衡一下呢度甜品既甜膩感~再加d忌廉夾埋一齊一羹放入口真係大大滿足!!💞
布朗尼配雪糕
1 views
0 likes
0 comments
估唔到除左登打士街果邊之外鬧市中仲有呢d咁高質既café~大家以後要多d抬頭望下，真係會有新發現!
Post
