Video
Read full review
2017-09-08
153 views
如果係一大班人食嘅話，通常都係去食任食嘅邊爐，呢次就唔同啦 只有3個人，所以就想試下唔係任食嘅係咪會好啲呢～跟住就揀咗呢間焱手工黎試試見個名感覺好多都係自家制咁好似會有味啲地道啲而我地就叫咗個套餐係每位268蚊，都有好多款野食首先前菜係柚子沙津同埋手撕雞2個嘅醬汁都用酸酸地嘅 好開胃 而湯底就揀咗雪山飛龍鍋同麻辣鍋我就靜係用雪山飛龍個邊嘅哈哈佢入面真係有鱼肉！味道好濃郁，而面頭都有蛋白嘅泡泡 個人就覺得可以食咗啲蛋白先或者拎走佢 因為唔會熔落湯到 反而會阻到食野而鍋嘅中間亦都會有清酒煮蜆啲蜆都新鮮嘅，全部都開到口而且唔會有沙：）聞說響鈴係自家制嘅，仲要係即炸！一條都好長下，佢卷得唔算多 但都夠吸哂湯底嘅味道肉方面就揀咗日本黑豚肉，事關有朋友唔食牛所以就佢揀豚肉haha比起平時嘅豚肉，佢冇咁易煮到好硬而且佢都仲係鮮紅色，根同肥肉都好平均最特別就係佢比埋青瓜片可以包住食 呢個食法真係未試過 加埋爽口嘅青瓜片令口感多咗 同埋又唔會搶咗肉嘅味道海鮮就唔詳講啦 整體都好新鮮 不過就要控制翻煮嘅時間 以免變到好硬就浪費哂啦雖然佢叫三層樓墨魚磚，其實我就唔太食得出三層嘅分別哈哈，不過見到呢片野都有好
跟住就揀咗呢間焱手工黎試試
見個名感覺好多都係自家制咁好似會有味啲地道啲
而我地就叫咗個套餐係每位268蚊，都有好多款野食
首先前菜係柚子沙津同埋手撕雞
2個嘅醬汁都用酸酸地嘅 好開胃
而湯底就揀咗雪山飛龍鍋同麻辣鍋
我就靜係用雪山飛龍個邊嘅哈哈
佢入面真係有鱼肉！味道好濃郁，而面頭都有蛋白嘅泡泡 個人就覺得可以食咗啲蛋白先或者拎走佢 因為唔會熔落湯到 反而會阻到食野
而鍋嘅中間亦都會有清酒煮蜆
啲蜆都新鮮嘅，全部都開到口
而且唔會有沙：）
聞說響鈴係自家制嘅，仲要係即炸！
一條都好長下，佢卷得唔算多 但都夠吸哂湯底嘅味道
肉方面就揀咗日本黑豚肉，事關有朋友唔食牛所以就佢揀豚肉haha
比起平時嘅豚肉，佢冇咁易煮到好硬
而且佢都仲係鮮紅色，根同肥肉都好平均
最特別就係佢比埋青瓜片可以包住食 呢個食法真係未試過 加埋爽口嘅青瓜片令口感多咗 同埋又唔會搶咗肉嘅味道
海鮮就唔詳講啦 整體都好新鮮 不過就要控制翻煮嘅時間 以免變到好硬就浪費哂啦
雖然佢叫三層樓墨魚磚，其實我就唔太食得出三層嘅分別哈哈，不過見到呢片野都有好多墨魚粒，而且幾彈牙
最後就係甜品啦 呢個雲尼拿雪糕好濃味，似係自家制嘅，不過就雪得耐咗，要等一陣先食到哈哈
整體黎講，價錢就比任食嘅貴少少，不過呢個套餐都有好多款嘅野食，可以食到飽
Post
