Cafe Deco Pizzeria (Moved) New Location

今日去圓方睇29+1，睇完就諗緊食咩，喺圓方繞咗幾個圈，終於揀到一間想食的。本來去食越南菜的，但上open rice 見食評唔係特別好，所以放棄，去咗食Pizza。去到唔使等位，入面坐得幾舒服，環境唔錯。M6 和牛拼虎蝦 $182第一次見到 Pizza 有M6和牛拼虎蝦，即刻心心眼，即時落order,就再無睇其他Pizza。一個Pizza 一開8件，視覺效果幾靚，M6和牛入口好淋，牛味就要好細心品嚐先feel 到，但虎蝦好爽口。未試過嘅朋友，可以試吓嘅，呢個配搭又真係好 match。煎帶子伴風乾火腿 $112帶子入口好嫩，底部配上芝士汁，微微帶出了帶子嘅鮮味。風乾火腿入口好脆身，口感唔錯。火箭菜夠新鮮。兩個人食一個 Pizza 的確有d多，下次可以試吓佢哋d意粉。