竹 (Closed)

又到新一年公司就安排大家一齊去呢間日本料理店一齊聚聚食Lunch，當中呢間餐廳嘅水準真係唔錯，同同事食完之後個個都覺得正呀！餐廳環境非常有日本味道，特別用咗好多竹作為主要元素，優雅之餘帶出日本傳統特色。其實佢嘅午餐種類相當多，而我今日就點了壽司拼盤(十件)，當中包括有前菜、沙律、蒸蛋、味噌湯、甜品相當豐富。先來蟹肉南瓜蒸蛋，賣相已經好吸引，蒸蛋有濃郁嘅南瓜甜香，味道清新。沙律菜用了番茄酸汁相當醒胃。食完之後真係想快啲食壽司😆蒸蛋火候剛好，每一啖都食到蒸蛋相當滑溜，而且表面仲有蟹肉增加鮮味。主角終於嚟啦，呢個壽司拼盤相當精美，而且仲可以見到師傅即製嘅過程真係賞心悅目。壽司整體相當新鮮且質素亦都唔錯，特別佢嘅帶子壽司相當鮮甜，過人亦好鍾意佢嘅拖羅溶喺口嘅感覺相當滿足。最後食埋甜品真係非常滿足，整體味道亦非常唔錯。