甜CC 甜品店 (Closed)

食完正餐，當然想食啲甜品啦！！ 仍然係新年嘅時節，所以都有新年嘅餐牌， 夠曬應節！！見到佢有好多唔同嘅甜品款式喺regular menu度， 最吸引到我嘅就係心太軟同埋班戟！！ 因為要即時現造， 一般家庭好難同時地自己做到呢兩樣嘢。而且可以選擇嘅雪糕口味超級多，正呀！班戟配榴槤雪糕， 班戟好香脆， 厚度適中 ，用上朱古力醬而唔係忌廉 ，彷彿件事冇咁邪惡， 而且有生果配埋，成件事就balance返喇！！雪糕球都幾大球， 榴槤味超級香濃，榴槤迷真係唔可以錯過！心太軟size都算幾大，配上薄荷朱古力雪糕球、 生果同埋脆脆 ，索價都非常合理。最治癒嘅畫面嚟啦！！切開心太軟，流心朱古力漿緩緩落下， 甜度啱啱好，絕對唔會膩。