殿·大喜屋

Open Now

Now Closed

如果你係放題粉絲，又鐘意試高質食材，呢間餐廳真係唔可以錯過！以三百幾蚊嘅價錢，可以食到日本北海道海膽同魚子醬任食，實在太吸引！🔵刺身壽司：海膽魚子醬軍艦必試！ 平時去 fine dining ，魚子醬只係得一小啲，但呢度可以任你食，真係豪到冇朋友！魚子醬鮮香濃郁，搭配北海道海膽，金黃色嘅海膽入口即溶，甘甜細膩，食一啖已經感受到頂級新鮮嘅滋味，真心推介。其他刺身壽司選擇亦非常多，包括三文魚、油甘魚、吞拿魚腩 、北海道帶子、池魚王等 。刺身全部都非常鮮甜，落單後送上嚟嘅速度好快，完全冇拖單情況，呢點好加分。🟠熟食有大量炸物、點心、湯品等，最推介以下兩款：- 川燒珍寶鮮蠔：鮮蠔肥美飽滿，燒得香口多汁。 - 避風塘炒蟹：用咗大肉蟹，蟹肉鮮甜，炒得夠香。 🟢甜品最令人驚喜嘅係 榴槤蓉任食！榴槤蓉香甜濃郁，質地滑溜，鐘意榴槤嘅人一定會忍唔住一啖接一啖！🟠飲品選擇亦非常豐富，除咗啤酒同各款飲品，仲有清酒同 梅酒任飲，飲得開心又唔洗限制。