PizzaExpress (東薈城名店倉) (Moved) New Location

今日去咗東涌探親戚，無人想煮飯，於是去咗Pizza Express叫外賣。外賣自取可享85折優惠，好抵！佢哋有個新年「金玉滿堂」menu，當然要叫幾款試吓。金玉滿堂海鮮薄餅 $218薄餅餡料十分豐富，有XO醬小元貝、蝦肉、抱子甘藍、芹菜、水牛芝士、車打芝士、巴馬臣芝士及番茄醬。一打開盒，香氣撲鼻，令人食指大動🤤。熱辣辣，脆卜卜，海鮮鮮味十足，三款芝士，鹹香濃郁，滋味無窮！意式龍蝦海鮮湯粗管通粉 $268龍蝦汁香濃厚滑，做到掛汁效果，加入西芹菜味道更香。龍蝦🦞原隻上，味道鮮甜，肉質富彈性。粗管通粉特別煙韌有嚼勁，煮到Al Dente的口感，令人食到停唔到口。牛肝菌羽衣甘藍螺絲粉 $178新口味，深被它的賣相吸引，自己本身好鍾意香味獨特嘅牛肝菌同微苦爽實嘅羽衣甘藍，哩個螺絲粉嘅配搭真係啱晒我。味道清新，健康之選，如果可以多返少少汁會更好味。