野火燒

Open Now

Now Closed

野火燒 (元朗)📍地址：元朗建業街熟食中心C8號舖===============平時去開又新街個面，見佢附近有個熟食中心，今日終於抽到時間去試😆呢間野火燒主打串燒，價錢多數都係10幾蚊左右，相當親民。串燒方面，基本嘅豬牛羊雞同海鮮佢都有，另外仲有啲燒蔬菜類！彤朋友決定樣樣都試吓😂重點推介佢嘅燒白鱔，肉質夠滑，而且冇咩骨，調味又做得好，食落有啲似蒲燒鰻魚。另外，佢嘅主打菜「掌心雷」都幾出色。原來佢係用雞腳掌製作而成，入面有啲雞肉同軟骨，食落似加大版嘅雞軟骨，鍾意雞軟骨嘅朋友就唔好錯過啦☺️ 另外仲叫咗燒牛丸、豬頸肉、燒茄子、粟米、雞肉棒等等，再飲埋汽水，同朋友傾吓計食吓嘢咁就一日❤