一方堂居酒屋

Open Now

Now Closed

呢日同朋友嚟食尖咀一間樓上居酒屋🍶~裝修好雅緻企理,店主好好客又有禮貌🙇~清清腸胃,我哋點咗個菠菜油揚沙律🥗!除咗有菠菜,仲有啲沙律菜🥬~配埋我喜歡嘅油揚,煙煙韌韌~另外點咗啲串燒🍢,呢個用煙肉捲住啲蝦🦐~煙肉油香味濃,配埋蝦肉幾好食~而我喜歡雞腎🐔,爽脆嘅口感~佢嘅串燒仲會附上啲柚子鹽,食落鹹香又清新~我哋一人叫咗個手卷,我嘅係A5和牛🐂~仲有啲香甜嘅洋葱,拌埋啲醬汁💦~唔使外加豉油都夠味~仲有個左口魚邊手卷🐟~烤過嘅左口魚邊油香豐富,實在係必食之選!佢哋嘅南蠻炸雞好出色👍~非常新鮮脆卜卜咁上檯,而且炸皮好薄🍤~係暫時食過覺得好出色嘅一間~佢哋嘅鵝肝多士似係半煎炸嘅🦆~個鵝肝食落唔會太油,但油脂味好香濃,完全無膻味~佢嘅上壽司有8件🍣~佢哋用嘅赤醋米好香,同一般外面食到白色嘅唔一樣🍙~如果款式種類多啲就更好~朋友差不多生日,咁啱佢哋新推出壽司蛋糕🎂,一於就叫返個~赤醋米上鋪滿三文魚,仲用吞拿魚卷成花🌹,滿滿儀式感~多啲人仲可以叫四人份量,預訂或者現場點都ok👌~呢頭日本餐廳唔少,但呢間環境舒服得嚟仲好溫馨有家庭feel🏡~同一班朋友嚟摸下杯底傾下偈都好適合🍻~而且呢間店越夜越多人,想