星‧68 (Closed)

鴻星海鮮酒家集團旗下新品牌「星.68」開幕，中環番工嘅我當然要去捧下場！由即日起至7月31日，餐廳推出全日堂食及外賣自取68折優惠。餐廳位於停車場則邊，方便揸車黎食！呢度其中一樣特色就係同丸茶手作合作，即點即制多款特色台式特飲。餐廳採用開放式廚房，感覺modern又具空間感，座位亦都好舒適，岩哂同三五知己黎嘆個下午茶！☺️👍🏻可惜正值疫情爆發期，週日嘅餐廳人客數目不多，反而平日中午時間較多人。呢度有各式各樣嘅精品點心、香口小食、穫氣小炒同埋特色甜點等，款式多得令人眼花撩亂！我地點左一枱點心同埋兩杯台式特飲。點心方面有牛肉燒賣、醬王蒸鳳爪、魚肚滑雞札、五柳鮮蝦炸雲吞、濃雞湯松葉蟹鉗灌湯餃、話梅叉燒酥。當中灌湯餃最有驚喜。🥰雞札大大舊原汁原味，魚肚索哂D汁好好味，雞肉又嫩又滑！叉燒酥焗到外酥脆內鬆軟。每一款點心上枱時都係熱辣辣嘅，而且賣相好吸引，我同友人都忍唔住瘋狂影相打卡🤣！煎甜菜黑豚肉包同埋燕麥脆蛋散都好好味！而家唔係好多地方有蛋散食，一見到menu有就二話不說點左。一睇個樣就知好吸引，炸到金黃色脆卜卜嘅蛋散上淋上一層煉奶再瀋上燕麥粒，增添唔少風味同口感！飲品方面我地揀左鐵觀音拿鐵同埋大