Video
Read full review
2021-07-04
66 views
經過一間小店，見到大大既叮噹門，真係非常可愛，忍唔住望多兩眼，發覺嘢食嘅價錢非常之實惠，就立即衝左入去點餐！餐廳雖然仲係試業當中，但係見到店內嘅poster，吐司真係覺得好吸引，由於已經到咗晚飯時間，吐司都係下次先至食，今次一於點左熱辣辣既主菜先！首先去買飛，跟住等叫飛就可以喇～全店都係做外賣，但裝修都明顯係有花過心思，以紫色為主，好靚靚！兩個主食加一個甜品都係大概$150，抵到爛！而且外賣餐具大部份都係用紙，非常環保，仲非常之乾淨企理添！便當嘅選擇非常之多，主食同配菜都可選唔同嘅配搭，絕對可以配到啱晒自己胃口！滷肉飯、滷水雞扒、士林香腸、香芋海鮮餅就係我嘅選擇😀滷水雞扒非常之入味，又唔會過重香料味滷肉飯感覺唔油膩，而且份量恰到好處並不吝嗇！糖心蛋都非常出色，蛋黃部份非常creamy 。士林香腸配上蒜蓉，台灣味出晒嚟！可以講係神還原！香芋海鮮餅～感覺煙煙韌韌，絕對唔係有味嘅粉團only!! 非常特別！牛肉麵～牛肉嘅份量算係好多，重點係個湯底，非常濃郁嘅牛味！而麵條係彈牙嘅！真係非常滿意！壓軸出場當然係甜品仙草1號，台灣嘅芋圓非常有咬口，加上香甜嘅紅豆、爽口嘅水晶同底層嘅仙草，竟然係如
餐廳雖然仲係試業當中，但係見到店內嘅poster，吐司真係覺得好吸引，由於已經到咗晚飯時間，吐司都係下次先至食，今次一於點左熱辣辣既主菜先！
首先去買飛，跟住等叫飛就可以喇～全店都係做外賣，但裝修都明顯係有花過心思，以紫色為主，好靚靚！
兩個主食加一個甜品都係大概$150，抵到爛！
而且外賣餐具大部份都係用紙，非常環保，仲非常之乾淨企理添！
便當嘅選擇非常之多，主食同配菜都可選唔同嘅配搭，絕對可以配到啱晒自己胃口！
滷肉飯、滷水雞扒、士林香腸、香芋海鮮餅就係我嘅選擇😀
滷水雞扒非常之入味，又唔會過重香料味
滷肉飯感覺唔油膩，而且份量恰到好處並不吝嗇！
糖心蛋都非常出色，蛋黃部份非常creamy 。
士林香腸配上蒜蓉，台灣味出晒嚟！可以講係神還原！
香芋海鮮餅～感覺煙煙韌韌，絕對唔係有味嘅粉團only!! 非常特別！
牛肉麵～牛肉嘅份量算係好多，重點係個湯底，非常濃郁嘅牛味！而麵條係彈牙嘅！真係非常滿意！
壓軸出場當然係甜品仙草1號，台灣嘅芋圓非常有咬口，加上香甜嘅紅豆、爽口嘅水晶同底層嘅仙草，竟然係如此匹配！呢個甜品物超所值，大推！
Post
