Video
Read full review
2024-08-31
809 views
呢間舊式茶樓有多款手工點心同埋即製燒味、小炒菜式，全部都好高質👍🏻！最近銅鑼灣都開咗新店，港島區又多個飲茶好地方、同屋企人食飯嘅好地方！佢哋個點心款式都幾多元化，有好多懷舊嘅款式都未試過，幾特別新奇，味道都唔錯！而家仲有新開張優惠：8月內午市點心系列一律8折🈹，超抵食！-——————————————🤎◖蜜汁脆燒鱔◗ $278呢道菜式有驚喜，燒鱔外皮夠厚夠脆，加上少少檸檬汁，食落甜甜地但有少少檸檬嘅清新，幾新穎嘅配搭🤍◖即燒伊比利亞叉燒皇◗ $258叉燒半肥瘦，邊位燒得夠燶夠香口，幾鍾意佢啲醬揸得夠均勻，而且燒得入味 ，口感軟腍又唔覺油膩🤎◖富貴瀨尿蝦餃◗ $34傳統蝦餃加入瀨尿蝦肉，兩款蝦嘅口感加埋一齊更加彈牙，而且更鮮甜，但略嫌粉皮有啲黐牙🤍◖陳皮牛肉球◗ $38牛肉球特別大粒，成個拳頭咁，幾鍾意佢口感比較彈牙，食落唔會好腍🤎◖蘿白千絲酥◗ $40蘿蔔酥咬落去夠鬆脆，食到絲絲蘿蔔肉，整體唔會好油膩夠乾爽🤍◖市橋白賣◗ $40呢款燒賣包裹鯪魚肉，面頭放上一片臘腸，食落口感煙韌有咬口，帶有淡淡魚肉香氣，幾特別！🤎◖鮑魚燒賣皇◗ $50蝦肉燒賣口感爽脆彈牙，面頭放咗成粒鮑魚仔，夠晒足料，味
而家仲有新開張優惠：8月內午市點心系列一律8折🈹，超抵食！
-——————————————
🤎◖蜜汁脆燒鱔◗ $278
呢道菜式有驚喜，燒鱔外皮夠厚夠脆，加上少少檸檬汁，食落甜甜地但有少少檸檬嘅清新，幾新穎嘅配搭
🤍◖即燒伊比利亞叉燒皇◗ $258
叉燒半肥瘦，邊位燒得夠燶夠香口，幾鍾意佢啲醬揸得夠均勻，而且燒得入味 ，口感軟腍又唔覺油膩
🤎◖富貴瀨尿蝦餃◗ $34
傳統蝦餃加入瀨尿蝦肉，兩款蝦嘅口感加埋一齊更加彈牙，而且更鮮甜，但略嫌粉皮有啲黐牙
🤍◖陳皮牛肉球◗ $38
牛肉球特別大粒，成個拳頭咁，幾鍾意佢口感比較彈牙，食落唔會好腍
🤎◖蘿白千絲酥◗ $40
蘿蔔酥咬落去夠鬆脆，食到絲絲蘿蔔肉，整體唔會好油膩夠乾爽
🤍◖市橋白賣◗ $40
呢款燒賣包裹鯪魚肉，面頭放上一片臘腸，食落口感煙韌有咬口，帶有淡淡魚肉香氣，幾特別！
🤎◖鮑魚燒賣皇◗ $50
蝦肉燒賣口感爽脆彈牙，面頭放咗成粒鮑魚仔，夠晒足料，味道都幾夾
🤍◖蛋黃千層糕◗ $38
馬拉糕呢啲就食得多，蛋黃千層糕呢啲咁懷舊嘅糕點真係第一次試！有兩層，口感鬆軟又唔會話好甜，起沙蛋黃夾心夾帶菠蘿粒，有多重口感～
🤎◖奶皇流沙飽◗ $38
流沙包夠鬆軟，但餡料太少冇乜流沙嘅效果，有少少失望～
🌟Encore指數：8.7/10
Post
