泰國大城船麵

Open Now

Now Closed

平時耐唔耐經過呢條路，今次行過見到間新開既泰國菜餐廳，貪新鮮就走左入去試下啦。💟酸辣豬頸肉生菜包平時肉碎個種生菜包食得多，豬頸肉生菜包就第一次見，所以叫黎試下，呢個都有少少辣，上面既香料都幾特別，不過我諗未必個個人中意，d香料食落有d一粒粒口感既野，但我唔知係咩黎，哈哈！我個人就一般般啦呢隻香料，不過呢個配搭就感覺幾新鮮，而且d生菜好新鮮乾淨同靚，無一忽忽爛既，但個生菜size就有d細，包得好少饀料黎食。💟泰式炒通菜呢個味道普通，比較淡味，無想像中咁濃味，本身以為係類似馬拉盞個種。💟炒鮮鰕金邊粉食左d至記得影。呢個味道就普通，同出面食既差不多。可能新開張，落埋時職員都介紹下d野食同臨尾埋單都有問下我地d野食點。